गैरआवासीय नेपाली संघ बेलायतले भारतद्वारा नेपाली भूमी अतिक्रमण गर्दै सडक समेत निर्माण गरेको परिप्रेक्षमा यसको विरोध गर्दै लन्डनस्थित भारतीय हाइ कमिसनमा विरोधपत्र सम्प्रेषण गर्ने कार्यक्रम आयोजना गरेको छ । कोरोना लकडाउनको वर्तमान परिस्थितीमा विगतमा जस्तै भौतिक रुपमा हाइ कमिसनमा उपस्थित भएर विरोध जनाउन सक्ने अनुमति तथा अवस्था नभएकोले बेलायतका विभिन्न स्थानबाट स्थानीय रुपमा उपस्थित भएर विरोध जनाउन लागिएको हो । निर्धारित कार्यक्रम अनुसार बेलायतको अल्डरसट बाट केन्द्रिकृत रुपमा हुलाक सेवा मार्फत भारतीय प्रधानमन्त्रीको कार्यालय तथा लन्डनस्थित भारतीय हाइ कमिसनमा आधिकारिक विरोधपत्र सम्प्रेषण गर्ने र अन्य राज्य तथा तोकिएको स्थानमा उपस्थित भएर सोही अनुरुप ऐकवाद्दता दर्शाउने कार्यक्रम रहेको छ । निर्धारित विवरण निम्न अनुसार रहेको छ :
मिती : ८ जुन २०२०
समय : दिनको २ बजे
विरोधपत्र सम्प्रेषण गर्ने स्थान तथा संयोजन :
अल्डरसट : अध्यक्ष पुनम गुरुङ , महासचिव फडिन्द्र भट्टराई
अल्डरसट पोस्ट अफिस 63-68 Wellington Cetre, Aldershot GU11 1DB
मिडल्याण्ड : सचिव कृष्ण ढकाल
स्कटल्याण्ड : उपाध्यक्ष मोहन कार्की , राज्य परिषद अध्यक्ष छविलाल अर्याल
वेल्स : उपाध्यक्ष रामचन्द्र पोख्रेल, राज्य परिषद अध्यक्ष कृष्ण भण्डारी
आयरल्याण्ड : उपाध्यक्ष नारायण कंडेल, राज्य परिषद अध्यक्ष नारायण कुँवर
उपरोक्त स्थानहरुमा उपस्थित हुने स्थानहरुको बारेमा सम्बन्धित संयोजकज्यू हरुलाई सपर्क गर्नुहोला।
पुनश्च निम्न कुराहरुलाई पालना गर्नुहुन अनुरोध छ : वर्तमान विषम परिस्थितीको कारण कार्यक्रमको प्रोफाईललाई सामान्य रुपमा प्रस्तुत गर्ने । उपस्थित हुने संख्या अधिक भएर उत्पन्न हुन सक्ने सम्भावनालाई ध्यानमा राखेर आम समुदायलाई आमन्त्रित नगर्ने । सम्बन्धित स्थानमा १:४५ बजे जम्मा हुने । वर्तामान कानुनको पालना गर्दै सामाजिक दुरी कायम गर्ने । भिडभाड, होहल्ला र कुनै प्रकारको नारावाजी नगर्ने । राष्ट्रिय समन्वय परिषदको आधिकारिक विरोधपत्र प्रदर्शन गर्ने ।
सम्बन्धित संयोजक ज्यूहरुले कार्यक्रमको बारेमा जानकारी गराउने र एकजना पदाधिकारी द्वारा विरोध पत्र वाचन गर्ने । ब्यानर तथा विरोधपत्र हातमा लिएर फोटो लिन सकिने । मेडिया कभरेजमा एकाध पदाधिकारीहरुले कार्यक्रमको बारेमा जानकारी गराउने । आ-आफ्नो स्थानको कार्यक्रम सम्बन्धित संयोजकज्यू हरुले उपरोक्त कुराहरुको पालना गर्दै समन्वय गर्ने । २ बजे शुरु गरेर कार्यक्रमको अवधि २० मिनेट भित्रै समापन गर्ने । धन्यवाद !
फडिन्द्र भट्टराई (महासचिव ), गैरआवासीय नेपाली संघ, बेलायत
